Stair na Leaganacha

Baineann na sonraí ar an leathanach seo leis an leagan Gaeilge den Ghramadóir. Trí leagan 0.4, cuireadh an leagan Gaeilge ar fáil i bpacáiste amháin leis na scripteanna tógála mar gramadoir-0.x. Ó leagan 0.50 ar aghaidh, cuirtear an leagan Gaeilge ar fáil mar phacáiste neamhspleách sa mhodúl Perl Lingua::GA::Gramadoir.

Tagarmharcáil

Bhailigh mé corpas tástála ón iris mhíosúil ar líne Beo!. Tá thar ar 1MB gnáth-théacs sa chorpas; sin 192406 focal i 9292 abairt. Soicindí atá i gceist sa tábla thíos (fíor-am ar ríomhaire Linux le dhá phróiseálaí Xeon). FSN = focail sa nóiméad.

Achoimre ar Athruithe

Leagan 0.60->0.70

• Borradh mór faoin fhoclóir, go háirithe litrithe malartacha mar chuid den obair ar an gCaighdeánaitheoir
• Beagnach a dhá oiread rialacha gramadaí
• Ceartúcháin ar fhabhtanna beaga

Leagan 0.51->0.60

• Focail nua, feabhsúcháin, agus ceartúcháin ar an bhfoclóir (baineadh focail infhillte áirithe nach raibh gá leo)
• Méadaíodh an tacar rialacha faoi thrí; clúdaíonn sé cuid mhaith de ghramadach na Gaeilge, beagnach gach riail a bhaineann le hathruithe tosaigh san áireamh
• Tacar clibeanna níos simplí, optamú ar roinnt slonn ionadaíochta, níos lú úsáide da mhacraí ranna cainte, agus athstruchtúrú ar roinnt rialacha malla. Mar gheall ar na hathruithe seo, tá an córas ar fad 5% níos sciobtha, in ainneoin na rialacha nua go léir.
• Rabhaidh nua a bhaineann le “péirí contúirteacha”, bunaithe ar anailís ar an gcorpas
• Déanann sé comharthú ceart anois ar uimhreacha (blianta san áireamh), orduimhreacha ar nós 5ú, agus uimhreacha iolra ar nós 1950í.
• Go leor rialacha moirfeolaíochta a bhaineann leis an gcóras litrithe roimh an gCaighdeán Oifigiúil. In éineacht le tuilleadh oibre ar an gcomhad ionadaíochta, is féidir An Gramadóir a úsáid anois mar chóras “normalaithe” in inneall cuardaigh, innéacsóir, srl.

Leagan 0.50->0.51

• Focail nua agus ceartúcháin san fhoclóir
• Na rialacha Gaeilge a fheabhsú
• An cód Perl a ghiniúint ar bhealach níos éifeachtaí (lúibíní gan gabháil a úsáid chuile áit, srl.); 5% níos sciobtha mar thoradh air seo.
• Leagan Perl de na roghanna forbartha --brill, --freq, --ambig sa bpacáiste teanga gramadoir-ga-0.51.
• Rogha --no-unigram in gram-ga.pl
• Doiciméadú POD le haghaidh gram-ga.pl

Leagan 0.4->0.50

• An buninneall athscríofa ón bhonn aníos i bPerl
• Is é UTF-8 an t-ionchódú aschurtha de réir réamhshocraithe; rogha nua --aschod len é seo a athrú más gá
• Déanann tuairisc ar fhocail mhílitrithe de réir réamhshocraithe anois (dhá cheann ar a mhéad roimhe seo)
• Anailíseoir moirfeolaíochta nua; feabhsaíonn sé seo na teachtaireachtaí a fhaightear nuair nach bhfuil focal san fhoclóir
• Glacann sé le focail a bhfuil réimír agus ceannlitir acu anois, mar shampla d'Fhoras nó Sean-Nós. Chomh maith leis sin, toisc go bhfuil Aire san fhoclóir le ceannlitir, tugann sé an chlib cheart fhirinscneach dó. Nó, i gcás bPáirtí Glas, aithníonn sé gur ainmfhocal é an chéad fhocal mar gheall ar an urú (agus, dá bharr sin, Glas a aithint mar aidiacht).
• Tugann sé uimhir na líne ar a bhfuil an earráid (roimhe seo, uimhir na líne ag tús na habairte a bhí ann).
• Déanann sé tuairisc ar fhocail neamhchaighdeánacha mar fhocail mhílitrithe nuair a úsáidtear an bhratach --litriu.
• Ní dhéanann sé tuairisc ar fhocail dhúbailte ach sa chás nach bhfuil poncaíocht ar bith eatarthu; marcálann sé an dá fhocal le chéile mar an botún.
• Níl an fhadhb a bhí ann mar gheall ar $ gan éalúchán sa leagan Perl ar chor ar bith
• Cheartaigh mé fadhb le haibhsiú (m.sh. rinne sé aibhsiú ar an re in toibreacha mar gheall ar bhotún le re in gach re).
• Fuair mé réidh leis an aitreabúid uimhir san XML inmheánach
• Úsáid aonáin ", srl. san aschur le --api, --html, agus --xml
• Rogha nua --api a thugann aschur i bhformáid XML is féidir a sholáthar do ríomhchláir eile
• Roghanna nua eile ar líne na n-orduithe: --aschur, --dath, --comheadan
• Ghéill mé faoi dheireadh agus chuir mé leaganacha Béarla de na roghanna fada ar líne na n-orduithe ar fáil
• Feabhsúcháin agus ceartúcháin sa bhreiseán Vim (m.sh. cur leis an gcomhad .neamhshuim)
• Aistriúchán Afracáinise

Leagan 0.3->0.4

• Tacar rialacha méadaithe faoi dhó (ach, mar gheall ar chód Perl níos éifeachtaí, tá an córas 15% níos sciobtha)
• Rialacha a bhaineann le péirí ranna cainte nach mbeifí ag súil leo
• Clibeálaí ranna cainte, cosúil le clibeálaí Brill, a úsáideann 331 riail imdhealaithe ansin clibeálaí réamhshocraithe 1-gram
• Roghanna nua forbartha --brill, --ilchiall, --minic, agus --no-unigram a éascaíonn obair ar an gclibeálaí
• Modúl a aithníonn frásaí agus cora cainte
• Modúl a aithníonn giorrúcháin, ag brath ar an teanga; feabhsaíonn sé seo téacsanna a dheighilt ina abairtí
• Rogha nua --aspell a mholann ceartúcháin ar fhocail mhílitrithe
• Tuilleadh ábhair sainiúil do theanga scartha ón bhuninneall gramadaí (tiontú go cás íochtair, macraí, srl.)
• Tuairisc a dhéanamh ar fhocail dhúbailte
• Tuairisc a dhéanamh ar fhocail annamha (a fholaíonn mílitrithe coitianta go minic)
• Aistriúcháin nua: Ollainnis, Fraincis, Mongóilis, Rómáinis, Slóvaicis
• Is féidir é a thógáil ar chóras UTF-8 anois
• Breiseán Vim gramadoir.vim
• Ceartúcháin bheaga

Leagan 0.2->0.3

• Tacaíocht do theachtaireachtaí i dteangacha eile le GNU gettext (Gaeilge agus Gearmáinis san áireamh)
• Rogha nua ar líne na n-orduithe --ionchod lenar féidir an t-ionchódú ionchurtha a roghnú
• Scar mé an t-inneall gramadaí ón ábhar sainiúil do theangacha ar leith; bunleagan Béarla, rogha nua --teanga ar líne na n-orduithe
• Is féidir é a thógáil ar Mac OS X anois
• Rialacha nua (rialacha gramadaí den chuid is mó)
• Ceartúcháin bheaga
• Rudaí breise sa gcartlann .tar: breiseán emacs, logchomhad iomlán CVS

Leagan 0.1->0.2

• Comhad nua “ionadaithe” ina bhfuil focail neamhchaighdeánacha
• Foclóir pearsanta .neamhshuim agus an rogha nua --iomlan
• Rialacha nua imdhealaithe agus gramadaí
• Láimhseáil níos fearr ar théacs eisceachtúil
• Ceartúcháin bheaga