Foras Feasa ar Éirinn

Ainliú Luiche | Taobh Le Taobh | Anótáil Inlíne

An t-aonṁaḋ halt deug.

Do ġaḃluġaḋ na droinge fá huaisle do Ṫuaṫaiḃ Dé Danann ann so síos.

Eoċaiḋ Ollaṫar, eaḋon, an Daġḋa, Oġma, Eallóid, Breas, agus Dealḃaoiṫ, cúig mic Ealaṫain, mic Néid, mic Iondaoi, mic Allaoi, mic Tait, mic Taḃairn, mic Enna, mic Báṫaḋ, mic Iobáṫ, mic Beoṫaiġ, mic Iarḃuineoil Ḟáiḋ, mic Neiṁeaḋ, mic Aġnomoin.

Manannán mac Allóid, mic Ealaṫan, mic Dealḃaoiṫ.

Sé mic Dealḃaoiṫ mic Oġma, Fiaċaiḋ, Ollaṁ, Iondaoi, Brian, Iuċar, agus Iuċarḃa.

Aonġus, Aoḋ, Cearmad, agus Míḋir, ceiṫre mic an Dáġḋa.

Lúġ mac Céin mic Dianċeċt mic Easairg mic Néid mic Iondaoi.

Goiḃneann [an gaḃa], Creiḋne [an céard], Dianċeċt [an liaiġ], Luċtaine [an saor], Coirbre an file mac Tara mic Tuirrill.

Beigreó mac Coirbre Ċaitċinn mic Taḃairn.

Fiaċaiḋ mac Dealḃaoiṫ agus Ollaṁ mac Dealḃaoiṫ.

Caiċér agus Neaċtain dá ṁac Naṁat mic Eoċaiḋ ġairḃ mic Duaċdoill.

Sioḋmall mac Cairbre ċruim, mic Ealcṁair, mic Dealḃaoiṫ.

Éire agus Fóḋla agus Banḃa, trí hinġeana Ḟiaċaċ, mic Dealḃaoiṫ, mic Oġma. [Eirnin inġean Eadarláiṁ, máṫair na mban sin.]

Báḋḃ, Máċa, agus Móirríoġan a dtrí baindée.

Danann agus Beuċuill an da ḃantuaṫaiġ, agus Briġit bainḟile.

Ag na bantuaṫaiḃ seo ḃádar an dá ríoġḋáṁ, eaḋon Fé agus Meann a n-anmanna: is uaṫa ainmniġṫear Máġ Feiṁin i san Muṁan. Is aca fós baoi Triaṫ-rí-ṫorc ó ráiḋtear Treiṫeirne Muṁan.

[Is Criḋinḃéal, Bruinne, agus Casṁaoil na trí ċáinte.]

Is iad ro ḃris caṫ Maiġe Tuireaḋ ṫuaiḋ ar Ḟoṁórċaiḃ, agus [an] caṫ [roiṁe sin i] Maiġe Tuireaḋ ṫeas ar Ḟearaiḃ Bolg. I san gceud ċaṫ do beanaḋ a láṁ do Nuaḋait, agus a ċeann i san gcaṫ ndéiḋeanaċ.

An t-aonú halt déag.

De ghabhlú na droinge ab uaisle de Thuatha Dé Danann anseo síos.

Eochaidh Ollathar, eadhon, an Daghdha, Oghma, Eallóid, Breas, agus Dealbhaoith, cúig mhac Ealathain, mhic Néid, mhic Iondaoi, mhic Allaoi, mhic Thait, mhic Thabhairn, mhic Enna, mhic Bháthadh, mhic Iobáth, mhic Bheothaigh, mhic Iarbhuineoil Fháidh, mhic Neimhidh, mhic Aghnomoin.

Manannán mac Allóid, mhic Ealathan, mhic Dhealbhaoith.

Sé mhac Dhealbhaoith mhic Oghma, Fiacha, Ollamh, Iondaoi, Brian, Iuchar, agus Iucharbha.

Aonghus, Aodh, Cearmad, agus Mídhir, ceithre mhac an Daghdha.

Lú mac Chéin mhic Dhianchéacht mhic Easairg mhic Néid mhic Iondaoi.

Goibhneann [an gabha], Creidhne [an ceard], Dianchéacht [an lia], Luchtaine [an saor], Coirbre an file mac Thara mhic Thuirrill.

Beigreó mac Choirbre Chaitchinn mic Thabhairn.

Fiacha mac Dhealbhaoith agus Ollamh mac Dhealbhaoith.

Caichéar agus Neachtain dhá mhac Namhat mhic Eochaidh ghairbh mhic Dhuachdaill.

Siodhmall mac Chairbre chroim, mhic Ealcmhair, mhic Dhealbhaoith.

Éire agus Fódla agus Banbha, trí iníon Fhiachach, mhic Dhealbhaoith, mhic Oghma. [Eirnin iníon Eadarláimh, máthair na mban sin.]

Badhbh, Macha, agus Móirríon a dtrí bhandia.

Danann agus Béachaill an dá bhantuathach, agus Bríd banfhile.

Ag na bantuatha seo bhí an dá rídhámh, eadhon Fé agus Meann a n-ainmneacha: is uathu a ainmnítear Má Feimhin sa Mumhain. Is acusan fós a bhí Triath-rí-thorc óna ndeirtear Treitheirne Mumhan.

[Is Crínbhéal, Bruinne, agus Casmhaoil na trí cháineadh.]

Is iad a bhris cath Mhaighe Tuireadh thuaidh ar Fhomhóraigh, agus [an] cath [roimhe sin i] Maighe Tuireadh theas ar Fhir Bholg. Sa chéad chath a baineadh a lámh de Nuadhait, agus a cheann sa gcath déanach.