Coraaghyn Quaagh
Blein ny jees er dy henney, ayns mean y tourey, hie mee magh dy chooney
lesh my charrey. Beign dou brasnaghey e ghleashtan er yn oyr nagh row eh
goaill toshiaght feer vie. V'eh ceau fliaghey dy trome as v'eh feer voghey
sy voghrey mysh tree er y chlag.
Va shin er ve goaill arrane ayns my hie,
prowal shiartanse dy arraneyn noa, as tra ghow yn gleashtan toshiaght as
va my charrey ersooyl haink mee er ash thie. Ta barney eddyr soalt mooar
as thieyn noa er cheu elley y raad, as tra hie mee shaghey, cheayll mee
ben goaill arrane dy baghtal.
Ec y toshiaght va mee smooinaghtyn dy row
fer ennagh ayn geaishtagh rish yn radio. Lurg shen heill mee dy row my
ven ny shassoo ec y dorrys goaill arrane foast, agh va'n choraa ro ard as
v'eh jeeaghyn dou dy row yn sheean cheet veih ooilley mygeayrt-y-moom.
Tra rosh mee thie va my ven ayns y chamyr-aarlee. Haink ee maryms magh as dod
mee clashtyn yn choraa foast. Cha geayll Cristl veg. Row mee clashtyn
sheean ushtey roie sheese y surn? Cha row. Dod mee clashtyn yn ushtey
as yn arrane neesht. Lurg tammylt ren yn sheean skellal ersooyl.