Dooinney Nagh Row Ayn
Ta mee er chlashtyn skeeal elley mychione y chashtal. Va dooinney aynshoh
oie dy row bleeantyn er dy henney as va shamraig echey as hass eh faggys da
Keeill Pherick, as v'eh son jannoo caslys jeh'n cheeill vooar as hrog
eh seose yn chamraig. As ghow eh caslys as hug eh lesh y thie dy gheddyn
caslys jeh. As tra haink y caslys magh tra haink eh er ash, honnick
eh dy row peiagh elley ery negative nagh row eh er vakin ec y traa,
as v'eh caslys jeh maynagh as v'eh ceau goon doo gys ny boynyn echey
as bayrn-bussallagh er y chione. Aghterbee, va shen yn dooinney quaagh
shoh haink magh er y negative jeh'n chaslys, as cha dod ad toiggal shen
noadyr. Shen haghyr mysh feed blein er dy henney, as cha nel mee shickyr
quoi voish hooar mee yn skeeal shoh.