Shenn Dooinney
Shoh skeeal elley cheayll mee voish Thomaase my naim mychione yn
chennayr echey; foddee dy row en mysh feed blein er dy henney ny ny smoo.
Aghterbee, haink yn chenn dooinney shoh stiagh sy thie laa dy row
voish obbyr ayns ny magheryn, as dooyrt eh rish e ven, “Ogh, Voirrey,
Voirrey,” dooyrt eh, “cha nel mee cho lajer as va mee roie. Ta mee
gennaghtyn skee yn laa shoh.” As dooyrt e ven rish, “Row shiu gobbragh
dy creoi?”
“Ogh, va mee gobbragh as karraghey ny cleighyn as cleiy ayns ny jeeigyn as
ooilley myr shen, as ta mee lane skee jiu as sheign dou ve gaase shenn.”
As tra cheayll mee yn skeeal shoh voish Thomaase, dooyrt mee rish,
“As cre'n eash v'ersyn ec y traa shen, Homaase?” As dooyrt eh, “V'eh
kiare bleeaney as keead dy eash.”
As v'eh foast gobbraghey!