Ree Edard ayns y Chashtal
Illiam y Cashen, ta mee er chlashtyn — v'eshyn ny vraar da Caesar
aghterbee, as va currym yn chashtal er, as tra haink Ree Edard as e
ven-rein Alexandra, yeear Illiam er y ree dy chur sheese yn ennym echey
ayns y lioar va freayllt ayns y chashtal er son ard-deiney ta cheet gy
shen. Aghterbee, hug y ree sheese e ennym, Edard Ree as ooilley myr shen,
as va ben-rein Alexandra ny shassoo shiartanse dy stundayrtyn
ersooyl, as ren Illiam cur e uillin ayns lhiattee yn ree myr shen as
“Vel shiu smooinaghtyn dy jinnagh ee hene e ennym sheese?” dooyrt eh
rish.