Ersooyl Geeastagh
Shynney lesh my ayr ginsh skeealyn mychione yn eeastagh as shoh daa
jeu.
Va daa vraar ayn as hie ad magh cooidjagh dy mennick geeastagh
syn awin. Dagh keayrt hooar yn derrey yeh eeastyn agh cha dooar yn jeh elley
veg. Ren ad ny neesht ymmyd jeh slattyn-eeastee jeh'n un liurid,
as dooanyn y vooadys cheddin; v'ad eer jannoo ymmyd jeh'n chollag
cheddin.
Laa dy row hooar yn nah vraar yn tlat-eeastee b'lesh e vraar as
e rimlagh, dooanyn, collag as dy chooilley nhee ren e vraar ymmyd jeh
tra v'eh goll geeastagh. V'eh eer ceau yn cooat b'lesh e vraar. Hie
eh dys yn awin as haink eh dys yn ynnyd va e vraar cliaghtit ve ny hassoo.
Erreish da ve ny hassoo aynshen rish tammylt beg haink eeast
dys eaghtyr yn ushtey as dooyrt eh rish.
“Cre'n boayl ta dty vraar jiu eisht, y ghooinney?”
Hooar eeasteyr baase
laa dy row, as hie eh gys boayl nagh dug eh enney er. V'eh ny hassoo
ayns cheer aalin mast' ny magheryn as biljyn as va awinyn, loghyn as
dubbyn ayn myrgeddin. Haink guilley ny whaiyl as dooyrt yn eeasteyr rish.
“Cre fod sleih jannoo sy cheer shoh?”
“Cre erbee saillt,” dooyrt yn guilley rish.
“By vie lhiam goll
geeastagh,” dooyrt yn eeasteyr, as myr shen hie ad cooidjagh dys awin
as hooar yn eeasteyr queig brick as va dagh fer jeu mysh queig puntyn
er trimmid.
“S'mie yn boayl shoh,” dooyrt eh rish hene, as hie eh magh marish y
ghuilley y laa er-giyn. Hooar eh queig brick reesht jeh'n trimmid cheddin.
“Vel ynnyd elley ayn boayl fod sleih geeastagh?” vrie eh jeh'n guilley.
“Ta dy jarroo,” dreggyr y guilley. “Jeeaghym fer elley dhyt mairagh.”
Hie ad magh cooidjagh dys ynnydyn elley gagh laa lurg shen, agh hooar eh queig
brick jeh'n trimmid cheddin ayns dagh awin as logh as dub. Fy yerrey,
“Shoh Niurin!” as yn eeasteyr.
“Shen kiart,” dooyrt yn guilley.