Corkish
Tra va mee my ghuilley aeg, cheau mee my laghyn seyrey ayns Rhumsaa gagh
blein. Hannee shin ayns thie-aaght er y chooyllaghan as va shin fakin
ooilley'n teihll goll mygeayrt. Va shin fakin dy mennick fer ennagh
markiagh er daa-wheeyl. Cha row eh cliaghtit dy varkiagh er y raad, agh
bare lesh goll er y chassan. Veagh eh goll noon as noal mast yn sleih va
shooyl er y chassan. Shymmey keayrt honnick shin eh agh cha vaik shin eh
rieau bwoailley peiagh erbee. Hug my ayr yn ennym Corkish er; cha bione
da e ennym kiart, agh hug my ayr yn ennym Corkish er Manninagh erbee nagh nhione
da.
Laa dy row honnick shin Corkish markiagh er e ghaa-wheeyl,
myr v'eh cliaghtey jannoo, gys y phurt tra va shin gee nyn yinnair. V'eh
cho shickyr's v'eh rieau. Foddey ny s'anmey va shin ooilley ec y phurt
as honnick shin ram sleih chaglym cooidjagh jeeaghyn er baatey mooar
cheet stiagh sy phurt. She baatey mooar joarree v'ayn gymmyrkey cooid
pholtagh feer ghaueagh. Dooyrt my ayr dy doaltattym.
“Jeeagh quoi t'ayn,” as honnick shin Corkish ny hassoo er y vaatey myr
stiureyder.
Foddee nagh row dooinney erbee ny share ry gheddin sy valley
da'n obbyr shen!