Shoh mysh feed blein er dy henney ny ny smoo nish as va mee my ghooinney aeg ayns Purt ny hInshey; as laa dy row — v'eh Jesarn v'ayn, ta mee smooinaghtyn — va daa ghooinney elley as mee hene er y chey as dooyrt fer jeu dy row lane fuygh tilgit magh er y traie ec yn ooig fo'n Eanin Vooar, as va shin ooilley nyn daaue ec y traa shen as va traa ain as smooinee shin dy jinnagh shin goll magh er y cheayn dy gheddyn yn fuygh shoh.
Aghterbee, hooar shin baatey beg as ersooyl lhein er cooyl y chashtal as er cooyl y chrink derrey haink shin dys yn ooig (Ooig ny Seyir) ec yn eanin as shickyr va shin dy row yn traie shoh lane dy fuygh, as hug shin ayns y vaatey wheesh dy fuygh as oddagh eh ymmyrkey as eisht ersooyl lhein son Purt ny hInshey reesht. Agh va'n earish gaase foddey ny smessey nish — va'n gheay girree as y keayn freaynagh — as va obbyr chreoi ain as lurg tammylt ghow mee tastey dy row ushtey ayn ayns bolg y vaatey, as v'eh jeeaghyn shickyr dooin dy row towl ayns y vaatey lhiggey da'n ushtey cheet stiagh as beign da fer jin tilgey magh yn ushtey — by vie dooin dy row curn beg ayns y vaatey son tilgey magh yn ushtey — as shen yn aght va shin jannoo nyn raad dys Purt ny hInshey reesht.
As fy yerrey chosne shin mygeayrt Kione y Cholloo as eisht va shin ayns fastee as va geay vooar sheidey sheese y phurt as va lane traie ayn as scoan va shin goll er nyn doshiaght er chor erbee, as ghow shin un oor bunnys gymmylt voish Kione y Cholloo stiagh sy phurt as ghow shin y traie ec greeishyn Chornee — va thie-oast aynshen enmyssit Cornee's — as va shin skee dy liooar roish shen agh roish my chosne shin er yn traie va shin ooilley er troggloo bunnys, as dy jarroo cha voddym jarrood yn laa shen nish gys yiowyms baase.
Seo timpeall fiche bliain ó shin nó níos mó anois agus bhí mé i mo dhuine óg i bPort na hInse; agus lá dá raibh — bhí sé Dé Sathairn a bhí ann, tá mé ag smaoineamh — bhí dhá dhuine eile agus mé féin ar an gcé agus dúirt fear díobh go raibh a lán adhmaid caite amach ar an trá ag an uaimh faoin Aill Mhór, agus bhíomar uile as obair ag an am sin agus bhí am againn agus shíleamar go ndéanfaimis dul amach ar an bhfarraige le fáil an adhmaid seo.
Ar aon chuma, fuaireamar bád beag agus ar siúl linn ar chúl an chaisleáin agus ar chúl an chnoic go dtí gur thángamar go dtí an uaimh (Uaimh na Saor) ag an aill agus cinnte bhíomar go raibh an trá seo lán d'adhmad, agus chuireamar sa bhád an oiread d'adhmad agus d'fhéadfadh sé iompar agus ansin ar siúl linn chun Port na hInse arís. Ach bhí an aimsir ag fás i bhfad níos measa anois — bhí an ghaoth ag éirí agus an fharraige suaite — agus bhí obair chrua againn agus i ndiaidh tamaill thug mé faoi deara go raibh uisce ann i mbolg an bháid, agus bhí sé ag féachaint cinnte dúinn go raibh poll sa bhád ag ligean don uisce teacht isteach agus b'éigean do cheann dínn caitheamh amach an uisce — ba mhaith dúinn go raibh canna beag sa bhád ar son chaitheamh amach an uisce — agus sin an dóigh a raibh muid ag déanamh ár mbealach go Port na hInse arís.
Agus faoi dheireadh fuaireamar timpeall Ceann an Cholúin agus ansin bhíomar i bhfoscadh agus bhí gaoth mhór ag séideadh síos an port agus bhí a lán trá ann agus is ar éigean a bhíomar ag dul ar aghaidh linn ar chor ar bith, agus chuamar aon uair beagnach ag iomramh ó Cheann an Cholúin isteach sa phort agus ghabhamar an trá ag céimeanna Chornaí — bhí teach tábhairne ansin ainmnithe Cornee's — agus bhíomar tuirseach go leor roimhe sin ach sula bhfuaireamar ar an trá bhíomar uile traochta beagnach, agus go deimhin ní féidir liom dearmad an lá sin anois go bhfaighidh mise bás.