Shiartanse dy vleeantyn er dy henney va dooinney voish Sostyn shooyll ee er y raad ayns jiass yn Ellan. Myr v'eh goll v'eh jeeaghyn harrish ny cleighyn er ny magheryn. Fy yerrey, faggys da Purt le Moirrey, honnick eh dooinney ayns magher cur claghyn ayns cairt. Cha row yn dooinney aeg as cha row eh jeeaghyn dy ve ayns slaynt feer vie. Dooyrt y Sostnagh rish yn dooinney va gobbraghey.
“My ghooinney vie, nagh vel yn obbyr shen ro-chreoi dhyt? T'ou jeeaghyn moal as treih.”
Dreggyr yn Manninagh, “Ogh, ta mish mie dy liooar. Va mee ching tammylt beg er dy henney, agh ta mee couyral nish. Lhisagh oo fakin yn ayr aym; ta eshyn ny ghooinney foddey ny share na mish.”
Ghow yn Sostnagh yindys mooar clashtyn shen, as dooyrt eh.
“Cre'n eash t'ort, my ghooinney?”
“Tree feed as jees,” dooyrt yn Manninagh.
“T'ou uss tree feed as jees as ta dty ayr foast gobbraghey!” dooyrt y Sostnagh, “Sheign dasyn ve ny smoo na kiare feed. Cre vel eh as cre t'eh jannoo?”
“Jeeagh,” dooyrt yn Manninagh, “er hen eh, heose ayns y vagher shid giarey nappinyn marish my yishig-vooar!”
Roinnt blianta ó shin bhí duine ó Shasana ag siúl í ar an bhóthar i ndeisceart an Oileáin. Mar a bhí sé ag dul bhí sé ag féachaint thar na claíocha ar na páirceanna. Faoi dheireadh, i ngar do Phort le Muire, chonaic sé duine i bpáirc ag cur clocha i gcairt. Ní raibh an duine óg agus ní raibh sé ag féachaint le bheith i sláinte an-mhaith. Dúirt an Sasanach leis an duine a bhí ag obair.
“Mo dhuine mhaith, nach bhfuil an obair sin róchrua duit? Tá tú ag féachaint bocht agus gruama.”
D'fhreagair an Manannach, “Ó, tá mise maith go leor. Bhí mé tinn tamall beag ó shin, ach tá mé ag téarnamh anois. Ba chóir duit feiceáil an t-athair agam; tá seisean ina dhuine i bhfad níos fearr ná mise.”
Ghabh an Sasanach iontas mór cloisteáil sin, agus dúirt sé.
“Cén aois atá ort, mo dhuine?”
“Trí fichid agus dó,” dúirt an Manannach.
“Tá tusa trí fichid agus dó agus tá d'athair fós ag obair!” dúirt an Sasanach, “Is éigean dósan a bheith níos mó ná ceithre fichid. Cá bhfuil sé agus céard atá sé ag déanamh?”
“Féach,” dúirt an Manannach, “ansin é, thuas sa ghort siúd ag gearradh tornapaí le mo sheanathair!”