Foddee dy vel shiu ooilley er chlashtyn mychione yn chretoor enmyssit yn Tarroo-Ushtey. Cha nel sleih credjal ayns y lheid nish — dy jarroo cha nel mish credjal aynjeh, aghterbee — agh ta mee er chlashtyn nhee ennagh quaagh mychione shoh — boayllyn ta'n tarroo-ushtey er ve er n'akin.
Va ben baghey ayns Purt ny hInshey — oh, tree feed blein er dy henney nish foddee — v'ee ny ben mie ynsit as cha row ee ny fer jeh'n theay cadjin. Aghterbee, ta mee er chlashtyn dy ren y ven shoh fakin yn tarroo-ushtey ayns tree buill — un voayl t'er ny brooghyn ec Purt ny hInshey, ec cooyl ny thieyn ta enmyssit The Headlands nish — thieyn jiargey; foddee dy vel tree jeu ayn, as ta magher beg cooyl ny thieyn shoh as ayns mean y vagher shoh — cha nel mee shickyr vel eh lhieent seose nish ny dyn — agh ta cooinaghtyn aym er towl-ooir ayns mean y vagher shoh — towl ny sloc ny red ennagh myr shen. V'eh ny loghan beg ec y traa shen as ta mee er vakin lane dy ushtey ayn as shoh fer ny buill dooyrt y ven shoh dy row ee er vakin yn tarroo-ushtey, as dys traa mysh feed blein er dy henney, foddee, va'n magher shoh enmyssit Magher yn Tarroo-Ushtey as va'n loghan shen enmyssit Dub yn Tarroo-Ushtey.
As y ven cheddin, boallagh j'ee goll mygeayrt ayns yn astyr shirrey er ny ferrishyn as ooilley myr shoh, as ta mee er chlashtyn dy dooyrt ee dy row ee er vakin yn tarroo-ushtey ayns y churragh jeeragh ec Balley Laagh. Ta lag aynshen as t'eh ooilley lhieent seose lesh biljyn as thammagyn as lane dy ushtey aynshoh, as dooyrt ee dy row ee er vakin yn tarroo-ushtey ec y voayl shoh. As boayl elley ta faggys da Droghad Ghreebey va tarroo-ushtey ry akin goll mygeayrt ayns ny magheryn fud yn ollee chadjin. Agh, aghterbee, shen ny tree buill ta'n tarroo-ushtey er ve er n'akin.
B'fhéidir go bhfuil sibh uile tar éis cloisteáil faoin chréatúr ainmnithe an Tarbh Uisce. Níl slua ag creidiúint sa leithéid anois — go deimhin níl mise ag creidiúint ann, ar aon chuma — ach tá mé tar éis cloisteáil rud éigin aisteach faoi seo — áiteanna ina bhfuil an tarbh uisce tar éis a bheith á fheiceáil.
Bhí bean ina cónaí i bPort na hInse — ó, trí fichid bliain ó shin anois b'fhéidir — bhí sí ina bean mhaith mhúinte agus ní raibh sí ina pleibeach coitianta. Ar aon chuma, tá mé tar éis cloisteáil go ndearna an bhean seo feiceáil an tarbh uisce i dtrí áit — aon áit atá ar na bruacha ag Port na hInse, ag cúl na dtithe atá ainmnithe The Headlands anois — tithe dearga; b'fhéidir go bhfuil trí díobh ann, agus tá machaire beag ar chúl na dtithe seo agus i lár an mhachaire seo — níl mé cinnte an bhfuil sé líonta suas anois nó nach bhfuil — ach tá cuimhní agam ar pholl ithreach i lár an mhachaire seo — poll nó log nó rud éigin mar sin. Bhí sé ina lochán beag ag an am sin agus tá mé tar éis feiceáil lán d'uisce ann agus seo ceann de na háiteanna a dúirt an bhean seo go raibh sí tar éis feiceáil an tarbh uisce, agus go ham timpeall fiche bliain ó shin, b'fhéidir, bhí an machaire seo ainmnithe Machaire an Tairbh Uisce agus bhí an lochán sin ainmnithe Linn an Tairbh Uisce.
Agus an bhean chéanna, ba ghnáth di dul timpeall sa tráthnóna ag iarraidh ar na síogaithe agus uile mar seo, agus tá mé tar éis cloisteáil go ndúirt sí go raibh sí tar éis feiceáil an tarbh uisce sa chorrach díreach ag Baile Láibe. Tá lag ansin agus tá sé uile líonta suas le crainn agus toir agus a lán uisce anseo, agus dúirt sí go raibh sí tar éis feiceáil an tarbh uisce ag an áit seo. Agus áit eile atá i ngar do Dhroichead Ghreebey bhí tarbh uisce le feiceáil ag dul timpeall sna machairí ar fud an eallaigh choitianta. Ach, ar aon chuma, sin na trí áit ina bhfuil an tarbh uisce tar éis a bheith feicthe.